L Stories

ഓപ്പറേഷൻ ജാവയും ഡാറ്റയും  മൂവി റിവ്യൂ  സൈബർ സ്പേസ് നമ്മുടെ ജീവിതത്തിന്റെ തന്നെ ഭാഗമായ കാലത്ത് ഓപ്പറേഷൻ ജാവ വെറുതെ കണ്ടു തീർക്കാൻ മാത്രം ഉള്ള സിനിമയായി തോന്നിയില്ല. പരസ്പരം ബന്ധം ഇല്ലാത്ത മൂന്നോ നാലോ സൈബർ ക്രൈം /അതുമായി ബന്ധപ്പെട്ട കഥയാണ് സിനിമ പറയുന്നത്. സിനിമയിൽ ഡാറ്റാ എന്ന വാക്ക്, അതിന്റെ പ്രധാന്യം ഇതൊക്കെ ടെക്നിക്കലി എന്താണെന്ന് മനസിലാക്കി തരാൻ ശ്രെമിക്കുന്നത് തീർച്ചയായും അഭിനന്ദനം അർഹിക്കുന്ന കാര്യമാണ്. ഒരു മാളിൽ ലക്കി ഡ്രോ ക്ക്‌ കൊടുക്കുന്ന ഡാറ്റാ പോകുന്ന വഴികൾ കുറച്ച് സിനിമാറ്റിക് ആയി കാണിച്ചതെങ്കിലും ഡാറ്റയുടെ സാധ്യതകൾ വ്യക്തമാക്കുന്നതാണ്.സിനിമയിൽ ആ ഡാറ്റയെ ഒരു ബിസിനസ്‌ ലീഡും അത് വഴി ആളുകൾ എങ്ങനെ പറ്റിക്കപെടുന്നു എന്നുള്ളതും ആണ് കാണിച്ചത്. എന്നാൽ അത്തരം ലീഡും അതിന്റെ പ്രശ്‌നങ്ങളും മാത്രമല്ല ഡാറ്റായുടെ സാധ്യതകൾ. നമ്മൾ വിചാരിക്കുന്നതിനേക്കാൾ ഭീകരൻ ആണ് ഡിജിറ്റൽ ഡാറ്റാ. നമ്മൾ ഡിജിറ്റൽ ഇടങ്ങളിൽ,പ്രത്യേകിച്ച് സോഷ്യൽ മീഡിയയിൽ ഇടുന്ന നമ്മുടെ പോസ്റ്റ്‌ പോലും ഈ സോഷ്യൽ മീഡിയ കമ്പനികൾ ഇതിന് പുറകിൽ ഒളിപ്പിച്ചു വെച്ചിട്ടുള്ള ആർട്ടിഫിഷ്യൽ ഇൻറ്റലിജിൻസ് ടൂളുകൾക്ക് നല്ല ഒന്നാംതരം ഡാറ്റാ...

 ജന്മദിനം  ബർത്ത്ഡേ ആശംസകൾ അറിയിച്ച എല്ലാവർക്കും നന്ദി. കാരക്കാട് ഗവണ്മെന്റ് സ്കൂളിൽ ഒന്നാം ക്ലാസ്സിൽ ചേർക്കാൻ കൊണ്ട് പോയപ്പോ സ്കൂളിലെ ഹെഡ്മാഷ്,കുറുക്കൻ മാഷ് എന്നായിരുന്നു എല്ലാവരും വിളിച്ചിരുന്നത്, എല്ലാവർക്കും ആളെ ഒടുക്കത്തെ പേടിയും ആയിരുന്നു. മാഷ് പറഞ്ഞു "ഓനെ ചേർക്കാൻ സമയം ആയിട്ടില്ല. അടുത്ത വർഷേ ചേർക്കാൻ പറ്റു". അമ്മക്കാണെങ്കിൽ ആ വർഷം എങ്ങനെ എങ്കിലും എന്നെ ചേർക്കുകയും വേണം.സ്കൂളിൽ വിട്ടാൽ പിന്നെ വൈകീട്ട് വരെ ഒരു ആശ്വാസം ആണ് വീട്ടുകാർക്ക്, വീടുകളിൽ ഒക്കെ പണ്ട് മുടിഞ്ഞ പണിയാണെ!.അച്ഛൻ ആണെങ്കിൽ അപ്പോഴേക്കും നമ്മളെ ഒറ്റക്കാക്കി പോകുകയും ചെയ്തിട്ടുണ്ടായിരുന്നു.ഏട്ടൻ ആണെങ്കിൽ അതേ സ്കൂളിൽ രണ്ടാം ക്ലാസ്സിൽ ആകുകയും ചെയ്തിരിക്കുന്നു. അങ്ങനെ അന്ന് പ്രിയപ്പെട്ട കുറുക്കൻ മാഷ് ആണ് നമ്മടെ ജന്മദിനം മാറ്റി എഴുതിയത്."ഓന്റെ ജനനത്തിയതി നമുക്ക് കുറച്ചൊന്നു മാറ്റം ന്നാൽ" എന്നും പറഞ്ഞ് മാഷ് അതങ്ങട് മാറ്റി. അങ്ങനെ പ്രിയപ്പെട്ട കുറുക്കൻ മാഷ് ആണ് എനിക്കീ ഡേറ്റ് ഓഫ് ബർത്ത് തന്നത്. ലാലേട്ടന്റെ ജന്മദിനത്തിലേക്ക് എന്റെ ജന്മദിനം ആക്കിവെച്ച മാഷേ നന്ദി...!😍 ചെറുപ്പത്തിൽ ജന്മദിനം ഒന്നും ആഘോഷി...

ബുക്ക് റിവ്യൂ ധർമപുരാണം ഒ വി വിജയൻ എല്ലാകാലത്തെയും ഫാസിസ്റ്റ് ഭരണകൂടത്തെ/ഫാസിസ്റ്റ് രീതികളെ (അതൊരു രാജ്യമാകാം, ഒരു പ്രസ്ഥാനമാകാം, നമ്മുടെ വീട് /സമൂഹം അങ്ങനെ ഏത് ചുറ്റുപാടും ആകാം)അതിന്റെ ചെറുതും വലുതും ആയ എല്ലാ അടിച്ചമർത്തൽ രീതികളുടെയും ഒരു അതിരുകളും ഇല്ലാത്ത എഴുത്താണ് ധർമപുരാണം. അത് അന്നത്തെ ഇന്ത്യയിൽ നിന്ന് അന്ന് വായിക്കുമ്പോൾ അടിയന്തിരാവസ്ഥ കാലവും അന്നത്തെ ഭരണകൂടവും ആണോ എന്ന തോന്നൽ ആകും. ലോകത്തിന്റെ രാഷ്ട്രീയം നോക്കുമ്പോൾ അത് ഹിറ്റ്ലറിന്റെയോ, മുസോളിനിയുടോ ചായകൾ ഉള്ള വായന ആകാം.ഇന്ന് വായിക്കുമ്പോൾ അത് ഇന്നത്തെ ഈ നാടിന്റെ ചിത്രവുമാണ്. കൊട്ടാരം വിട്ടിറങ്ങാത്ത അധികാരത്തിന്റെ ഭ്രമത്തിൽ ജീവിക്കുന്ന ധർമപുരിയുടെ പ്രജാപതിയുടെയും, കൊട്ടാരം വിട്ടെറിഞ്ഞു പുറത്തേക്ക് നടന്ന സിദ്ധാർത്ഥന്റെയും കഥയാണ് ധർമപുരാണം, ധർമപുരിയിൽ സിദ്ധാർത്ഥൻ കണ്ട ജീവിതങ്ങങ്ങളുടെയും കഥ. ആദർശശുദ്ധിയുള്ള മാധ്യമങ്ങളുടെയും, പ്രതിപക്ഷത്തിന്റെയും അഭാവത്തിൽ ജനാധിപത്യം അധികാരവർഗത്തിന് ഏത് രീതിയിൽ വേണമെങ്കിലും തിരിച്ചൊടിക്കാവുന്ന ഒരു രാഷ്ട്രീയ സംവിധാനം ആയി തരംതാണിരിക്കുന്നതു എല്ലാ അർത്ഥത്തിലും ഈ കാലത്തിന്റെ കൂടി പൊളിറ്റിക്കൽ വായന ആണ്...

ബുക്ക് റിവ്യൂ  സുഗന്ധി എന്ന ആണ്ടാൾ ദേവനായകി  ടി ഡി രാമകൃഷ്‌ണൻ    മിത്തും, ഫിക്ഷനും, റിയാലിറ്റിയും മനോഹരമായി ഇഴചേർന്നു കിടക്കുന്ന, ഒറ്റഇരുപ്പിൽ തീർക്കാൻ പ്രലോഭിപ്പിക്കുന്ന വായനാനുഭവം. ഈ അടുത്ത കാലങ്ങളിൽ വായിച്ചതിൽ ഏറ്റവും മികച്ചതും,തീർച്ചയായും വായിക്കേണ്ടതും... ! ശ്രീലങ്കയിലെ മനുഷ്യാവകാശ ലംഘനങ്ങളെ, ഫാസിസത്തെ ശക്തമായി അടയാളപ്പെടുത്തുമ്പോൾ തെന്നെ പുരോഗമന/വിമോചന പക്ഷത്ത്‌ എന്ന് പറയുന്ന സംഘനകൾക്ക് ഉള്ളിൽ നിലനിൽക്കുന്ന പാട്രിയാർക്കി മനോഭാവവും, വിവേചനവും, അതിനുള്ളിൽ അടി ഉറച്ചു പോയിട്ടുള്ള ജനാതിപത്യമിലായ്മയും പ്രെസന്റ് ചെയ്യാൻ യാഥാർഥ്യവും ഫാന്റസിയും ഇഴചേർത്ത എഴുത്തിന്റെ മാജിക്കൽ റിയലിസം.ഫാസിസ്റ്റ് ഭരണകൂടങ്ങൾ ചരിത്രത്തെ വളച്ചൊടിച്ചു പുതിയ കാലത്ത് തങ്ങൾക്കു അനൂകൂലമായ കഥകൾ ഉണ്ടാകുന്നതിന് സമനാവുമാണ് കഥ പറയുന്ന രീതിയും. അതിഗംഭീരം എന്നേ പറയാൻ ഉള്ളു... ! *വായനക്കിടയിൽ ശ്രീലങ്കയിലെ രാഷ്ട്രീയം, വിമോചന പ്രസ്ഥാനങ്ങൾ, രജനി തിരണഗാമ എന്നീ ചരിത്രം കൂടി ഒരു പാരലൽ റഫറൻസ് നടത്തിയാൽ വായന വേറെ ലെവൽ ആകും..

ബുക്ക് റിവ്യൂ    മരുഭൂമികൾ ഉണ്ടാകുന്നത് ആനന്ദ് മരുഭൂമിയിൽ രംഭാഗഡ്‌ എന്നൊരിടത്തു ഒരു 'രാജ്യ സുരക്ഷ' പ്രൊജക്റ്റ്‌ നടക്കുന്നു. കുന്ദൻ അവിടുത്തെ ലേബർ ഓഫീസർ ആണ്. സുരക്ഷ പ്രോജെക്ടിൽ ജോലി ചെയ്യാൻ ഭരണകൂടം അങ്ങോട്ട് കൊണ്ടുവരുന്നത് പുറമ്പോക്ക് മനുഷ്യരെയും, തടവുപുള്ളികളെയും. അവരിൽ പലരുടെയും ഐഡന്റിറ്റി പോലും ഫേക്ക് ആണ്. സ്വാധീനം ഉള്ളവർ പണം കൊടുത്ത് വാങ്ങിയ ഡമ്മി കുറ്റവാളികൾ /ഒരു ഗതിയും ഇല്ലാത്ത പാവങ്ങൾ ഇവരൊക്കെ ആണ് അതിൽ ഏറെയും.ഭരണകൂടത്തിന്റെ വ്യവസ്ഥിതികളോട് കലഹിച്ചു അതിന്റെ വേലിക്കെട്ടുകൾ പൊട്ടിച്ചു ആ മനുഷ്യരുടെ ജീവിതത്തിലേക്ക് ഇറങ്ങി ചെല്ലുന്ന കുന്ദന്റെ ജീവിതം /ആത്മസംഘർഷങ്ങൾ അതിലൂടെ കുന്ദൻ കാണുന്ന അവരുടെ ജീവിതങ്ങൾ എന്നിവയിലൂടെയാണ് കഥ പറഞ്ഞു പോകുന്നത്. ഭരണകൂടം ഒരു തൊഴിലാളി കൂട്ടത്തോട് ചെയ്യുന്ന ക്രൂരതകൾ എന്ന് ഒറ്റകാഴ്ചയിൽ വായിക്കുമ്പോളും എഴുത്തിൽ ഉള്ള ഡീറ്റൈലിംഗ് ആളുകളുടെ /ചുറ്റുപാടുകളുടെ/കാര്യങ്ങളുടെ ഒരു മൾട്ടി ഡയമൻഷനൾ വായനകൂടി അനുഭവപ്പെടുത്തുന്നു. സമൂഹം എന്നാൽ പരസ്പരം താങ്ങായി നിൽക്കുന്ന കുറെ മനുഷ്യർ എന്നതാണ് ഒരു പൊതുബോധം എന്നാൽ യഥാർത്ഥത്തിൽ സമൂഹത്തിന്റെ ഈ സ്വഭാവം അംഗീകരിച്ചിട്ടേ ഇല്...

ബുക്ക് റിവ്യൂ    സമുദ്രശില സുഭാഷ് ചന്ദ്രൻ വേദവ്യാസനിൽ നിന്നും കടമെടുത്ത സുഭാഷ് ചന്ദ്രന്റെ അംബ, കൂടെ അവരുടെ മകൻ അപ്പുവും. എഴുത്തിന്റെ ക്രാഫ്റ്റിലും കുറച്ച് റിഗ്രെസ്സിവ് ആയ, എഴുത്തുകാരന്റെ ആത്മരതി നിറയുന്ന അനുഭവം...! പുരാണത്തിൽ നിന്നാണ് ആദ്യ അദ്ധ്യായം. വേദവ്യാസനെ കാണാൻ വരുന്ന അംബയും അവൾക്ക് വ്യാസനോടുള്ള ചില സംശയങ്ങൾ /ചോദ്യങ്ങളിലൂടെ ആണ് കഥ തുടങ്ങുന്നത്. വ്യാസനിൽ നിന്നും തന്റെ സഹോദരിമാരായ അംബികയ്ക്കും അംബാലികയ്ക്കും ഉണ്ടായ രണ്ട് കുട്ടികളും(പാണ്ഡുവും, ദൃതരഷ്ട്രരും ) ശാരീരികമായ ന്യൂന്യതകൾ ഉള്ളവർ ആയിരുന്നു.തനിക്കും വേദവ്യാസനിൽ നിന്നും ഒരു കുട്ടി ഉണ്ടാവുകയാണെകിൽ അത് എങ്ങനെ ആയിരിക്കും എന്നാണ് ചോദ്യം. അംബ സ്വന്തം ഇഷ്ടപ്രകാരം അല്ല തനിക്ക് വഴങ്ങുന്നത് എങ്കിൽ തീർച്ചയായും അതും ന്യൂന്യതകൾ ഉള്ള കുട്ടി ആയിരിക്കും എന്നാണ് വ്യാസൻ കൊടുക്കുന്ന മറുപടി. തുടർന്ന് വ്യാസൻ എഴുതാൻ പോകുന്ന, "അതിൽ ഉള്ളത് എവിടെ എങ്കിലും കാണും അതിൽ ഇല്ലാത്തത് ഒരിടത്തും കാണില്ല", എന്ന് വ്യാസൻ തെന്നെ അഹങ്കരിക്കുന്ന /അഭിമാനിക്കുന്ന ആയിരത്തോളം കഥാപാത്രങ്ങൾ വരുന്ന മഹാഭാരത കഥയിൽ - "ഉപാധികൾ ഇല്ലാത്ത സ്നേഹം" ഉണ്ടാകുമോ എ...